
У Торъял посёлко рӱдыштӧ Социальный страхований фондын уполномоченный вӱдышӧ специалистшын кабинетше верланыме зданий воктене парковкышто «Парковка для инвалидов» корно знак улмо ӱмбач тудым дублироватлыше специальный разметке лийын огыл.
У Торъял районын прокуратуржо У Торъял ола шотан илемым вуйлатышылан представленийым луктын, тудын почеш титакан еҥым дисциплинарно мут кучаш шогалтыме.
Тылеч посна районысо прокурорын полышкалышыже У Торъял ола администрацийым вуйлатышын сомылжым шуктышо шотышто РФ КоАП-н 5.43 статьяж почеш (автомобиль стоянкылаште инвалид-влаклан специальный автотранспорт средствам шогалташ верым ойырымо шотышто законодательствын йодмыжым пудыртымаш) административный правонарушений шотышто делам тарватен.
Мировой судьян пунчалже почеш должностной лицалан 3000 теҥге штрафым тӱлаш палемдыме. Пунчал законло вийым налын шуктен огыл.
Прокуратурын полшымыж дене социальный объект воктене маломобильный тӱшка еҥ-влаклан парковко верым ыштыме.