В.М.Васильев лӱмеш МарНИИЯЛИ ты институтышто 11 ий пашам ыштыше кугурак научный пашаеҥже О.А.Сергеевын монографийжым книга семын савыктен луктын.
Шанчызын пашаже марий йылме возыктышын моткоч ожнысо йылме ойыртемжылан пӧлеклалтын. Тушко ХVII-XVIII курымлаште вашлиялтше черемис шомак, кумалтыш мут, почеламут, текст, кид дене возымо мутер-влак да 1775 ийысе марий грамматике нерген шымлымаш-влак, Камчаткысе экспедицийыш коштшо участник-влакын материалышт пурталтыныт.
9 сентябрьыште Олег Арсентьевич 60 ийым тема. Ты кечын МарНИИЯЛИ-ште «Тайны памятников письменности марийского языка конца XVII – XVIII вв.» йыргешке ӱстел лиеш. Тудо 10 шагатлан тӱҥалеш.
Шанчызе нерген статьям 10 сентябрьыште лекше «Кугарня» газетыште лудса.
