13 октябрьыште Марий Эл Правительствын заседанийыштыже республикыште 9 тылзыште шуктымо пашам иктешлыме. Тушто тӱрлӧ ведомствын министрже-влак «Жильё и городская среда», «Образований», «Демографий», «Дорожная сеть» нацпроектлам илышыш шыҥдарыме сомыл дене палдареныт. Тений тидлан республикыш 8,5 млрд теҥге толын, тидыже 2021 ийысе чумыр лимитшын 73,2%-ше лиеш. Ты показатель дене Марий Эл ПФО-што эн ончылно кая.
Идалык мучаш марте йочасадлаште 575 вер ешаралтшаш. Тыгай сай паша республикыште «Образований» нацпроект почеш шукталтеш. Тений, образований да науко министр Н.Адамован мутшо почеш, Медведево посёлкысо 100 веран йочасадым сдатлыме да эше кум объект кызыт чоҥалтеш. А ты посёлкысо 825 веран у школ 87 процентлан ямде.