12 мартыште Йошкар-Олаште Калык тӱвыра пӧртыштӧ «Ӱярня йор-йор-йор» еш унагудо пайрем эрта. «ЭтноПоколений» усталык лабораторийын площадкыштыже «Уло еш дене» российысе проектын участникше-влак погынат.
Тиде кечын розыгрышышто филармонийыш, театрыш, тоштерлашке билет-шамычым сеҥыше-влакым суапландараш тӱҥалыт.
Еш-влак Ӱярня пайремым кузе эртарымышт, йӱлам шуктымышт нерген каласкален ончыкташ тӱҥалыт. Оза кува-влак шкештын мелна рецептышт нерген каласкалат.