Морко кундемысе Ярансола ялын чолга эргыже В.Борисов самырык годсек гармонь да баян дене шокта.
Вениамин Андреевич ӱмыржым «Знамя» ялозанлык дене кылден. Тушто бригадир, тракторист да тале инженер семын ойыртемалтын. А эше кундемыштына туддеч посна сӱанжат огеш эртаралт. Шокталтен колта – чонет куана.
Кораксола тӱвыра пӧртын «Муро кумыл» фольклор ансамбльжыланат пеш полша. Коллектив дене тора вершӧрышкӧ лектын коштмына годым лач Вениамин Андреевичланак веле ӱшанена. Икмыняр идалык ончыч Йошкар-Олашке Угинде пайремыш тудын вуйлатымыж почеш миен коштынна. Туддеч вара ятыр пайрем лач ты уста айдеме дене пырля эртен. Шукерте огыл Чопак ялыште чолга гармоньчо-влакын фестивальыштышт Вениамин Борисов кугу мастарлыкшым ончыктен. Кызыт тиде тале гармоньчо дене пырля Марий каслан ямдылалтына. Тудыжо 30 августышто Кораксола ялын каныме паркыштыже лиеш.
Елена Григорьева,
Кораксола тӱвыра пӧртым вуйлатыше.
Морко район.