
«Кугу этнографий диктант-2024» акцийлан ямдылалташ тӱҥалына!
Тений тиде диктантышке 1 гыч 8 ноябрь марте ушнаш лиеш. Акций Калык-влакын икоян улмо кечышт вашеш онлайн ден офлайн форматыште эртаралтеш. Диктантым возышо-влак кум йылме дене пайдаланен кертыт: руш, англичан да испан.
Тӱрлӧ ийготан, шинчымашан, верам кучышо, гражданстван еҥ-влак Российысе калык-влакын историйыштым, тӱвыраштым да йӱлаштым палымыштым тергаш тӱҥалыт. Теат нунын коклаште лийын кертыда!
Кумданрак «Кугу этнографий диктант-2024» сайтыште.