Марий Элым Вуйлатыше Ю.Зайцев 15-17 мартыште кундемыштына посна ямде улмым ончыктышо режимым увертарыме шотышто указым подписатлен.
Тыгайже тӱрлӧ чрезвычайный ситуаций деч аралыме да шижтарыме амаллан ышталтеш. Ты кечылаште социальный объект, автомашина корно-влакым поснак чот эскераш палемдыме, инженерный техникым шотыш кондымо. Дежурный-шамыч йӱдшӧ-кечыже пашам ышташ тӱҥалыт.