У Торъял посёлкышто физкультур да тазалыкым пеҥгыдемдыме у комплекс ямде.
Теҥгече тушко Марий Элым Вуйлатыше Ю.Зайцев миен коштын. Ты ФОК-ым 2011 ийыште чоҥаш тӱҥалме, но мучаш марте шуктымо огыл улмаш. Пытартыш ийлаште пашалан угыч пижме да Марий Эл Правительстве полшымо дене мучашлыме. Тунам ты объектым «Демографий» нацпроектын «Спорт — норма жизни» федеральный проектышкыже пуртымо.
ФОК У Торъял посёлкысо Советский уремыште верланен. Кум пачашан зданийыште спортзал, 25 метран ийме бассейн, ӱстембал теннис ден кучедалмаш зал-влак улыт. Чоҥымо да монтаж пашам сайлан шотлымеке, спорт объектым Марий Эл Республикын казнашкыже кусарат.
Э.Терентьева.
Фото: Д.Речкин / Марий Элым Вуйлатышын пресс-службыжо.