Советский районысо Кужмарий ялысе тӱвыра пӧртыштӧ илыш мӱкш омартала гӱжла. Икте репетицийыш толеш, весе-шамыч сценыште куштымашым репетироватлат, фойеште кова-влак мурым мурат. Икте лектеш, весе пура, 1980-ше ийлашке логалме гай чучеш. Чынжымак тыште веселас. Чынжымак, тыште клуб – еҥ-влакым иктыш чумырышо вер.
Самырык-влаклан дискотеке чӱчкыдын лиеда. Этнодискотеке тывелне лач Кужмарийыште веле эртаралтеш, ойлат клуб пашаеҥ-влак. Самырык-влак эре марла муро-шамычым йодыт. Гармонь дискотекыште чӱчкыдын йоҥга. Кугурак посёлко гыч тышке лӱмын марий сем почеш кушталташ толыт, нунылан эре марий муро, сем кӱлыт.
Кужмарий клубын пашаж нерген тичмаш статьям тиде кугарнян лекше «Кугарня» газетыште лудса.