Кодшо арнян Марий Элыште яллам вияҥдыме межведомственный паша группын заседанийжым эртареныт. Тудым Марий Эл Правительстве Председательын алмаштышыже Д.Троицкий вуйлатен.
Заседаний годым опорный населённый пункт-влак да воктенысе кумдыкым социально-экономически вияҥдыме шотышто план нерген ойленыт.
Тыгак опорный населённый пункт-влак радамыш Волжский район Приволжский ола шотан посёлкым да Курыкмарий район Виловат селам пуртымо йодышым тарватеныт. Населённый пунктлаште образований, медполышым пуымо тӱвыра да моло аланыште инфраструктурым кӱчык жапыште вияҥден колташ палемдыме.