Кодшо арнян Нижний Новгород олаште ялозанлык да ветеринарий шотышто Угарман ден Марий кундемласе исполнительный кучем орган-влакын вуйлатышышт дене региональный совещаний лийын. Тудым Россельхознадзор вуйлатыше Сергей Данкверт эртарен.
А Марий Эл делегацийым Марий Эл Правительстве Председательын алмаштышыже Дмитрий Троицкий вуйлатен.
Совещанийын участникше-влак кок кундемыште агропромышленный комплексын 2023 ийысе пашажым иктешленыт, ончыкыжым вияҥме корным палемденыт.
Марий Элысе АПК сай лектышым ончыкта: вольык ешаралтеш, шукырак сатум ыштен налме, ондак яра кийыше мландым обрабатыватлат, шуко функциян у техникым налыт, у технологийым шыҥдарат. Марий кундемыште пайдале производственный циклым пасу гыч кевыт марте намиен шуктымо корно дене виктарыме.
Тыгак кайыквусын да вольыкын пижедылше да лӱдыкшӧ черышт нергенат каҥашыме. Биологический лӱдыкшым шочыктышо йодышым Марий Эл Правительстве тӱткын эскера. Нуным жапыштыже шукташ манын, икмыняр мероприятийым палемдыме, ялозанлык вольыкын учётшым ыштат. Тыгай лӱдыкшӧ деч кораҥаш чыла кучем орган, оза да еҥ-влак тӱрлӧ пашам пырля шуктышаш улыт.