Марий Эл Республикыште ялозанлыклан кучылтмо мландылан инвентаризацийым ыштыме.
Тудын лектышыжым Марий Эл Правительствын заседанийыштыже каҥашыме. Кугыжаныш пого министр А.Плотниковын мутшо почеш, республикысе ялозанлык-влакын мландышт 702,92 тӱжем гектарыш шуэш. Эн шуко кумдык (87,1 тӱжем га) – Марий Турек районышто, а эн шагал (8,8
тӱжем га) – Юрино районышто.
Инвентаризаций годым кучылтдымо мланде улмым рашемдыме, 6,75 тӱжем гектар у 24 участкым ыштыме, айлыме шотышто кум договорым подписатлыме, тыгак мланде участкыш савыраш субсидийлан йодмашым колтымо.