-
«Юзо пасу» — Икымше каналыште ик эн кумдан палыме да кужу ӱмыран телепередаче. Тиде шоушто барабаным икымше гана 1990 ийыште 25 октябрьыште пӱтыралме, да кызыт марте кажне кугарнян тудо шке йырже калыкым пога. Эн ончыч передачым Владислав Листьев вӱден, а 1991 ий 1 ноябрь годсек — Леонид Якубович.
-
Модмо правил мочкоч куштылго: кажне кум турышто кум еҥ модеш. Турышто сеҥыше-влак финалышке лектыт, финалыште мутым пален налше супермодышыш вонча, а тушто сеҥа гын – тӱҥ пӧлекым налеш.
-
«Юзо пасушко» кузе логалаш? Программын редакцийышкыже могай-гынат шкешотан кроссвордым колтыман.
-
«Кугарня» газет да «Юзо пасу» передаче коклаште могай икгайлык уло? Эфирыште 30 ий улыт!
20 августышто ончыкталтше «Юзо пасу» передачын выпускшо такмак-влаклан пӧлеклалтын. Кокымшо турышко Татарстан, Чуваший да Марий Эл гыч модаш толыныт. Микряково селаште илыше, 20 ий «Рассвет» СПК председатель Николай Евстафьевич Долгов да тудын дене пырля Микряково музыкальный школын кӱсле ансамбльже Москошко миеныт да эфирыште кӱсле семын йоҥгалтен.
Николай Евстафьевич передачыш логалаш йодмашым декабрьыштак колтен.
— Съемкым ышташ арня ончыч йыҥгыртен каласышт: «Вес каныш кечын толза, вашмутдам вучен кодына». Тӱҥалтышыште кокыте шоненна: каяш але уке? Изишак лиймек, каяшак лийна, вет тушко кажне кечын огыт ӱж.
«Юзо пасу» передачым ямдылыше-влак курыкмарий кӱсле йӱкым йӧратен колыштыныт. Икымше каналын пашаеҥже-влак Курыкмарий районыш толыныт, Микряково музыкальный школ нерген документальный кином войзаш мутым пуэныт.
Мый кӱслезе-влак коклаште лийынам. Шке жапыштыже тиде музыкальтный школым тунем пытаренам. Моткоч келшен, миен толмына ушеш ӱмырешлан кодеш, — Николай Евстафьевичын Ольга ӱдыржӧ ойла.
Передачым тыште ончыза: