14 сентябрьыште Моско областьысе Истра оласе «Вдохновение» йоча сымыктыш школышто «Палестина глазами российских и зарубежных художников» выставкым торжественно почмо. Тушко Марий Эл гыч тале гармоньчыжо, Россий да Марий Элысе тӱвыра сулло пашаеҥже Арсений Яйцов миен коштын.
Тушто тӱрлӧ регион да ола гыч палыме, талантан, палестин, араб да россий сӱретче-влакын пашаштым выставкыш чумырымо. Пайремым икмыняр концерт номер дене сӧрастарыме. Арсений Яйцовлан тушто выступатлымыжлан таумутым кучыктымо.