Я.Эшпай лÿмеш сквер лиеш

18 августышто Тамбов олаште «Развитие малых городов и исторических поселений» да «Среда для жизни: свой дом» форум мучашлалтын. Тушто изи ола ден исторический илем-влакым тÿзатыме да сöрастарыме шотышто конкурс иктешлалтын. Козьмодемьянск ола гыч команде  «Новое звучание города. Сквер композитора Эшпая» проектым араленыт да олам тÿзаташ 67 млн теҥгеаш сертификатым налыныт. А Звенигово олан коллективше «Речные ворота Звенигово: Набережная у причала на Волге» проектым конкурсышто арален. План почеш  набережныйын кечывалвел ужашыжым 96 млн теҥгелан тӱзатышаш улыт.