Лум шулымо дене пасулаште да коремлаште ора дене чыве терыс «пеледалташ» тӱҥалеш. Тидым поснак Советский районышто илыше-влак ужын да шижын кертыт.
Йошкар-Ола – Вӱрзым кугорно дене кудалме годым Советский районысо Алексеевский посёлкыш шуат веле – нерым ойыртемалтше пуш чыгылтараш тӱҥалеш. Пурла могырышко вуйым савырымеке, тиде пушын кушеч лекмыже шинчалан вигак перна. Пасу мучко тӱжем дене чыве терыс ора-влак поҥго гай кушкын шинчыныт. Кеҥеж шумо дене нине ора-влак шкешт нерген чотрак палдарат: кугу шем карме-влак, мӱкш гай, йырым-йыр гӱжлаш тӱҥалыт. Оласе-влак тыгай нелылык дене тӱкнен огытыл гын, ялысе-влаклан нине карме-влак, чынжымак, чоныш витеныт. Кеҥежым окнам мушкат гына, эрлашыжым тудо уэш пырче-пырчан, каныме семын сад-пакчаште иктаж-мом пурлнет – карме кочкы шетым ончычрак тамла, вургемым кошкаш сакет, тудат пырче-пырчан лиеш.
Тиде кундемыште илыше-влак терыс кушеч толмым раш палат: тудым воктенысе фермыла гыч кугу машина дене конден ястарат…
Умбакыже газетнан 23 апрельыште лекше номерыштыже лудса.