🏆 Марий Эл Республик — XII Российысе телымсе ялысе спорт модмаште сеҥыше!
Барнаулышто Кугу Ачамланде сарыште Сеҥымашлан 80 ий теммылан пӧлеклалтше XII Российысе телымсе ялысе спорт модмашын финалже эртен. Таҥасымаште Российын 37 регионжо гыч команде-влак ушненыт, а спортсмен-влакын чумыр чотышт 552 еҥ лийын.
Мемнан команде 250 тӱжем марте ял калыкан группышто икымше верым налын. Ныл кече жапыште спортсмен-влак шахмат, шашке, еш дене спорт таҥасымаште механизатор ден дояр-влак ӱчашеныт.
Спорт еш-влакын таҥасымаштышт Зуевмыт еш ойыртемалтыныт, тыгак личный зачётышто элын эн сай механизаторжо Матвей Смирнов лийын. Командный таҥасымаште тудлан Елена пелашыже полшен.
Марий Элым Вуйлатыше Ю.Зайцевын лаштыкше гыч налме фото.