3 гыч 9 февраль марте кажне кечын порылыкым ончыктымо «Просто» проектын командыже онлайн-марафоным эртара. Чолга участник-шамычым ятыр пӧлек: сумка, фотосессий, моторлык арверым аралаш органайзер – вуча.
Соцсетьласе марафонышто эко-активист- влак «чын стильым» ойырен налаш туныктат.
«Вургемнам мо дене ыштыме, шкалан келшыше чын гардеробым кузе чумыраш, туныктена. «Чын» мут тыште мландылан эҥгекым кондыде манмым ончыкта», – ойлат проектын еҥже-влак.
Дизайнер-влак марафоныш ушнышо-шамычлан тошто вургемым уэмдаш, кызытсе жаплан келшен толшым ышташ туныктат. Стилист базовый манме гардеробым чумырымо шотышто каҥашым пуа. Мучашлан кажне участник мӧҥгылан пуымо пашам шуктышаш.
Марафоныш кумылан кажне еҥ ушнен кертеш, тидлан оксам тӱлыман огыл.
Ирина АЛЕКСАНДРОВА.