«Российыште калык-влакын национальный костюмышт» фестиваль-конкурсын «Марий вургем пайрем унала ӱжеш» этапше тений 14-16 октябрьыште Ярославль олаште да 28-30 октябрьыште Йошкар-Олаште эртаралтеш.
Конкурс шке калык вургемым аклаш, йӧраташ да шымлаш кумылаҥдыме шонымаш дене ышталтеш. Тыгак кидмастар-влакымат палемдаш да умбакыже «кушташ» вияҥдаш полша.
Ушнаш шонышо-влаклан йодмашым 20 сентябрь марте narodovrossii@bk.ru электрон адрес дене колтыман. Серышыште тыге возыман: Костюм народов России, регион, кидмастарын фамилийже але коллективын лӱмжӧ. Мутлан, Национальный костюм, Республика Марий Эл, г.Йошкар-Ола, Петрова.