19 декабрь гыч Марий Элыште «Вуйлатышын ёлкыжо» пайрем-влак эртаралташ тӱҥалыныт. Республикым Вуйлатыше Ю.Зайцев Курчак театрыш пайремыш миен коштын, йоча-влакым шушаш У ий дене саламлен.
Тений пайремыш уло республик гыч 1-5-ше класслаште тунемше 1000 утла ӱдыр-рвезым ӱжмӧ. Тиде военный спецоперацийын участникше, тушто колышо мобилизоватлыме еҥ, доброволец-влакын йочашт.
Ӱдыр-рвезе-влак «Снежная королева» спектакльым онченыт да шере пӧлекым налыныт.
СВО участник-влакын йочашт деч посна «Вуйлатышын ёлкышкыжо» олимпиадылаште, научный, технический, творческий конкурслаште, выставкылаште да фестивальлаште, спорт таҥасымашлаште сеҥыше-шамыч, йоча мер объединений-влакын активистышт ушнат.
