23 августышто Республик вуйлатышын сомылжым жаплан шуктышо Юрий Зайцев педконференций годым «Марий Эл Республикысе образованийын сулло пашаеҥже» лӱмым пуымо дене шым еҥым саламлен:
· Советский посёлкысо 3-шо номеран школышто тӱҥалтыш класслам туныктышо Светлана Акпулатовам;
· Виловат школым вуйлатыше Олег Ванюковым;
· У Торъял посёлкысо школышто химийым туныктышо Лилия Глушковам;
· Параньга посёлкысо школышто учебно-воспитательный ужаш дене директорын алмаштышыже Маргарита Гордеевам;
· Козьмодемьянск оласе «Дарование»интернат-школышто марий йылмым туныктышо Татьяна Горшковам;
· Йошкар-Оласе 27-шо номеран школышто математикым туныктышо Людмила Крутскихым;
· Волжск оласе «Светлячок» лӱман 19- ше номеран йоча садын туныктышо-дефектолог Эльназ Сахаровам.
Чыла туныктышо-влак лӱм дене Светлана Акпулатова Юрий Викторовича тауштен. А коллегыже-шамычлан у кӱкшытым тыланен.