Пачерыште шкетын илем. Ны пырысем, ны пием уке улыт. Малыме пӧлемем кухньо ваштареш верланен. Омсам почмо гын, койкышто кийымем годым кухньышто мо ышталтеш – чыла коеш.
Икана кок шагат йӱдым трукышто помыжалт кайышым. Шагатым ончальым – кок шагат эрталтен. Уэш мален колташ толашен кием. Кенета кухньышто йӱк шоктыш, пуйто лукышто коля удыра. Кухньо могырыш вуем савыральым – ӱстел коклаште пӧръеҥ мый декем тупынь шинча. Могыремлан копыж чучын колтыш. «Ала ончыч келшыме рвезем пачерыш шыпак пурен? Тудын койыш-шоктышыжым палем, тыгайым ыштен кертеш», – шонкалем. Эше ик гана сайынрак ончальым: айдеме вошткойшо лийын ок кертыс. Кухньышто шинчыше шемалге ӱпан, но тудын вошт пырдыжыште кечыше шкаф-влакым ужам. Шинчам кумышым, кухньыш уэш ончальым – иктат уке. Койко гыч тӧрштен кынельым, тулым чӱктышым. Кухньо окна ончылно кушшо пеледыш атыжге кӱвар ӱмбалне кия. Но кӧ тидым ыштен? Пачерын ончычсо озаже толын каен мо?
Пошкудо-влак тылеч ончыч ойленыт ыле, пуйто тиде пачерыште мый дечем ончыч илыше пӧръеҥ иктаж 20 ий ончыч увер деч посна йомын. Тудо ала мыланем иктаж-мо нерген шижтарынеже улмаш?
Екатерина.
Йошкар-Ола.