Правительстве пӧртыштӧ Марий Эл Республикым вуйлатыше А.Евстифеев тӱвыра, печать да калык-влакын пашашт шотышто министр К.Иванов дене вашлийын. Нуно Маргосфилармонийым чоҥен шуктымо, Э.Сапаев лӱмеш опер да балет театрын Араб Эмиратыш миен коштымыжо да пандемийлан кӧра Марий Эллан 100 ий теммылан кусарыме мероприятий-влак нерген мутланеныт.
Я.Эшпай лӱмеш Маргосфилармонийын зданийжым чоҥымо нерген 2019 ийыште пеҥгыдемдыме ыле. 2020 ийыште ты объектым «Культура» нацпроектыш пуртымо. Тидлан 317 миллион теҥгем ойырымо.
Москосо Кремльыште Марий Элын лӱмгечыжлан пӧлеклалтше концерт 25 июньышто лиеш.
Араб Эмиратыште Э.Сапаев лӱмеш опер да балет театрын труппыжо вич балетым шынден. Нуным шыжым уэш Дубайыш да 5-16 октябрьыште Великобританийыш ӱжыныт.
Правительствын сайтше гыч налме фото.