Республикысе медицине организацийлашке калыклан, посна COVID-19 вирус дене черланыше-влаклан, медполышым пуашлан, врач-специалист-влак кӱлыт: терапевт, участковый терапевт, педиатр, участковый педиатр, анестезиолог-реаниматолог, инфекционист-влак. Тиде нерген Марий Эл Республикысе Тазалык аралтыш министерстве увертара.
Сулен налме канышыште улшо медицине пашаеҥ-влакымат пашаш налын кертыт.
Лекше йодышым 8(8362) 22 21 14 телефон дене рашемдаш, тыгак медорганизацийлашке йыҥгырташ лиеш.