Волжскышто самырык-влаклан «Любви негромкие слова» Сретенский бал эртаралтын. Тудо лӱмлӧ руш поэт Александр Пушкинын Наталья Гончарова дене венчаялтмыжлан пӧлеклалтын.
Мероприятийыш Волжск оласе А.С.Пушкин лӱмеш 9-ше No-ан гимназийын кугурак класслаштыже тунемше ӱдыр-рвезе-влак ушненыт.
Тушко Моско гыч уна семын «Анатолия» дуэт толын: А.Шибкова мурен, А.Ядрышников гитар дене шоктен.
Ирина АЛЕКСАНДРОВА.