Марий Элым Вуйлатыше Ю.Зайцевын кӱштымыж почеш республикысе Правительстве Председательын икымше алмаштышыже М.Васютин Волжск олаш миен коштын, икмыняр объектым ончал савырнен.
Тудо 12-шо номеран школышто, Тулык да ача-ава попечений деч посна кодшо йоча-влакын рӱдерыштышт, «Ребёнок с будущим города Волжска» ача-ава-влакын мер организацийыштышт лийын. Тыгак Кугу Отечественный сарыште колышо-влаклан обелиск воктенысе садым ончалын. Тудым 2023 ийыште «Формирование комфортной городской среды» федеральный программе почеш уэмдыме. Тыгак ондакысе «Родина» кинотеатрым йоча сымыктыш школыш «Культур» нацпроект почеш савырыме пашам ончалын.
Волжскыш миен толмо деч ончыч Правительствыште совещаний лийын. Тушто социальный объект-влакым ачалыме да чоҥымо йодышлам каҥашыме.