Доброволец-влак кумдыкым тӱзатыме проектым ончыктат да федеральный платформышто (https://vk.cc/cvB6R7) келшыше верым кузе ойырен налаш каласат.
Йошкар-Олаште волонтёр-влак кажне кечын 15 гыч 19 шагат марте «YOLKA», «Планета», «Дом быта» ужалыме рӱдерлаште пашам ыштат.
Козьмодемьянскыште нуным Эшпай лӱмеш скверыште 4 апрельыште 15 гыч 17 шагат марте вашлияш лиеш.
Медведево районышто тӱзатыме объект-влак верч 14 гыч 18 шагат марте Медведево посёлкысо 2-шо ден 3-шо №-ан школлаште, Медведево гимназийыште, 8-ше №-ан йочасадыште, Юбилейный площадьыште, Сеҥымаш аллейыште йӱклаш йӧн уло.
Звенигово районышто волонтёр-шамыч 14 гыч 18 шагат марте Рӱдӧ площадьыште, Трнспортно-энергетический техникумышто пашам ыштат, а 13 шагатат 30 минут гыч — Звенигово посёлкысо 1-ше ден 3-шо №-ан школлаште, Звенигово лицейыште, 11 шагатат 30 минут гыч 18 шагат марте — Йоча усталык рӱдерыште.
Ушештарена, «ФКГС» федерал проект Россий Президент В.Путинын инициативыж почеш эртарыме «Жильё и городская среда» нацпроектыш пура.