Марий Элым вуйлатыше А.Евстифеев республикысе добровольческий толкынын еҥже-влак дене вашлийын.
Тудын мутшо почеш, волонтёр-влак самырык тукымым куштымашке изи огыл надырым пыштат, информационный кампанийлам чумыраш, чодыра пожар-влакым йӧрташ полшат. Российысе переписьыштат, у коронавирус инфекций шарлыме жапыштат полыш кидым шуялтеныт.
Республикыште 8 тӱжем утла волонтёр уло. Марий Элысе Самырык-влаклан полатыште улшо добровольчествылан полшышо ресурсный рӱдер волонтёр корпусын пашажым виктара. Тений 1 август гыч 15 сентябрь марте волонтёр-влакым погымо кампанийым эртарыме. Марий Эл Республик гыч Добро.ру платформышто 238 еҥ регистрацийым эртен.