«Морко район Волаксолаште «Кугарня» газетым лудаш йӧратат», – каласыш тыште почтальонкылан 11 ий пашам ыштыше Татьяна Евгеньевна Герасимова. Тудо ныл ялышке: Волаксолашке, Чодырасолашке, Пумырыш, Кабаксолашке – лудшына-влаклан газетым нумалеш. 2020 ийын икымше пелийжылан ты кундемыште 33 еҥ газетым налеш. Подписчик-влак дене чолган пашам ыштымыжлан Татьяна Евгеньевналан таум ойлена. Тудлан редакций деч – пӧлек.