Йошкар-Ола тӱрыштырак Оршанкыш наҥгайыше корно тураште ты урем верланен. Тудо Шернур тракт корнывож гыч тӱҥалеш да Келшымаш, Машиностроитель-влак, Халтурин уремласе корнывожышто мучашлалтеш.
Тиде уремыштак Вараксинский кӱвар уло. Тудо Изи Какшан эҥер гоч вончыктара. Кӱварын лӱмжӧ Вараксино ял дене кылдалтын. Кызыт ты ял олмышто Йошкар-Оласе Чапаев урем верланен.