Водитель, тӱткырак лий!

Марий Элысе корнылаште правилым пудыртымым куд у «Лада Гранта» автомашина эскера.

Машинаште фото- да видеофиксацийым ыштыше «Кордон.Про»М. мобилный комплексым вераҥдыме. Автомашина-влакым Марий Элысе бюджет кÿшеш наледыме. Ты сомыл корнысо туткарым шагалемдыме, еҥ-влакын илышыштым арален кодымо шот дене «Безопасные качественные дороги» нацпроект почеш шукталтеш.

Мобильный комплекс-влак скоростьым кугемдыме, ваштареш полосаш лекме, корно тӱр дене кудалме, лӱдыкшыдымылык ременьым пижыктымым але укем вигак палемдат. Системе корнысо ситуацийым 24 шагат мучко эскера.