ВЛКСМ-лан – 100 ий

 


Тений ВЛКСМ-лан 100 ий темеш. Тидын лӱмеш республикыштына мероприятий-влак идалык мучко лийыт.

Шошым да шыжым пушеҥгым, вондерым шындыме акцийым, памятник ден мемориал-влак йыр, уремла ден изи сад-влакым эрыктыме молодёжный субботникым эртараш палемдыме. Тыгак усталыкым тергыше конкурс-влакым увертарыме, тематический кас, комсомолын ветеранже да пионер-влак дене вашлиймаш-влак, комсомол нерген почеламут конкурс лийыт.

12 майыште Йошкар-Оласе Сеҥымаш паркыште комсомоллан 100 ий темме лӱмеш аллейым ыштыме. Тушто туя ден кож-влакым шындыме.

16 майыште республиканский пайрем эртаралтеш. Кумылан-влакым 10 шагатлан Сеҥымаш паркыште «Встреча друзей» манме мероприятийыште вучат. 11 шагатлан Ленин лӱмеш тӱвыра полатыште концерт лиеш.