Россий Федерацийын Президентше Владимир Путин РФ Конституцийыш тӧрлатымашым пурташ темлыме дене келшен.
Паша заседаний годым Кугыжаныш думын депутатше Ольга Баталина пашаче группын заседанийыштыже: «Йоча-влакым ончен куштымаште РФ власть нравственный да духовный условийым ыштышаш улыт»,– манын ойлен. Тыге тудо тӱҥ закон деке ешартыш положенийым пурташ темлен.