Марий Эл Республик вуйлатышын пашажым жаплан шуктышо Юрий Зайцев Россий президент Владимир Путин дене видеокыл йӧн полшымо дене шинчаваш мутланен. Тӱҥ шотышто республикын тачысе илышыжым почын пуымо.
Марий Эл чылаже Россий кӱкшытысӧ 19 кугыжаныш программе почеш пашам ышта. Тидын кӱшеш федерал бюджет гыч 28 миллиард теҥге полыш ойыралтеш.
Республикысе предприятий-влак 26 миллиард теҥгеаш 123 инвестиций проект-влакым илышыш шыҥдарат.
В.Путин моло паша дене пырля сай урлык вольыкым да кушкыл нӧшмым куштымо пашам вияҥдыме шотышто тыршаш темлен. Кызытат паша ышталтеш, но полшаш кӱлеш, манын президент.
Юрий Викторович Юрино поселкышто пеш чапле, ӧрыктарыше Шереметев замок улмо нерген ойлен, Путиным ончалаш ӱжын.
Эдуард Иманаев.