Марий Элыште «Принимающая семья, или Семья вместо детского дома» лӱман социальный фестиваль эрта. Тудым Йочам ашнаш налше еш-влакын «МариЯ» ассоциацийышт Интернетыште ВКонтакте соцкыл гоч эртара.
21 мартыште «Дети в интернете» лӱман вияш эфирым йоча да ийготыш шудымо-влак шотышто психолог, йоча лӱдыкшыдымылык шотышто «Стоп Угроза» школын вуйлатышыже Марина Козлова эртарен.
22 мартыште «Интервью в библиотеке» эфирыште МарГУ-н студенткыже Татьяна Полушина лийын.
Таче 17:00 шагатлан «МаМалыш: играем и поем» теме дене вияш эфирым педагог-психолог, «МаМалыш» сонатал-рӱдерын вуйлатышыже Татьяна Поздеева эртара.
Фестивальын программыж дене ӱлнӧ возымаште пален налаш лиеш.