Фосфор, калий, кальций, бор кӱлыт. Сандене шке гыч ӱяҥдышым ыштыза.
Чыве терыс – эн сай ӱяҥдыш. Тушто калий, фосфор да азот шуко. 10 литр вӱдыштӧ 0,5 литр чыве терысым шулыктарыза да вондо йыр шавыза. Кугурак вишне пушеҥгылан икмыняр ведра тыгай вӱд кӱлеш.
Тыгак ломыжым кучылташ сай. Тушто калий, фосфор, кальций да моло кӱлешан элемент-влак улыт. 10 литр вӱдыштӧ 8-10 совла ломыжым шулыктарыза. Икмыняр кече шинчыктымеке, вишне вондерыш шавыза.