Курыкмарий район Виловат селаште у спортплощадкым пайремлын почмо.
У площадкыште – ГТО дене нормым сдатлаш ямдылалташ манын, йӧнан оборудований-влакым вераҥдыме. Ынде ты кундемыште илыше-влак шке семын тренироватлалт кертыт.
Палемдыман, ты сомылым «Развитие физической культуры и массового спорта» федеральный проект почеш илышыш шыҥдарыме. Тидыже селалаште илыше-шамычлан физкультур дене заниматлаш, таза илыш-йӱлам кучаш да спорт полшымо дене тазалыкым пеҥгыдемдаш ышталтеш. Ушештарена, тыгай площадке-шамычым кундемнан тӱрлӧ стадионыштыжо вераҥдат. Лудшына-влак тушко коштыт мо? Спорт оборудований дене пайдаланат мо?
Йӧн уло, ит ӧркане веле