Смоленск область Пржевальское посёлкысо «Чайка» биатлон комплексыште 13-14 ияш ӱдыр-рвезе-влак коклаште лыжероллер дене Российын первенствыже эрта. Тушко элнан 25 регионжо гыч спортсмен-влак толыныт.
Марий Элысе «Виктория» спортшколын тунемшыже Анна Александрова тыгак таҥасымашке ушнен. Вич меҥгым куржмаште тудо кокымшо лийын, а кросс-спринт дисциплиныште (2,4 меҥге) икымше толын.
Спортсменке Ю.В.Уманец да Н.А.Александров дене тренироватлалтеш.
Интернет гыч налме фото-влак.