Запорожский область гыч 58 йоча «Лесная сказка» лагерьыште тазалыкыштым пеҥгыдемда да вий-куатым пога. Ӱдыр-рвезе-влак 29 август марте тушто лийыт. Нунылан лӱмын профильный сменым келыштареныт. Тушто икшыве-влак тӱрлӧ мастер-классыште, патриотизм шӱлышан мероприятийыште, ончер ден экскурсийыште, пайдале вашлиймашыште шуаралтыт. Тыгак марий калыкын йӱлаж да историйже дене палдарат, компьютер грамотностьлан туныктат.
Марий Элым Вуйлатышын пресс-службыжын фотожо.