Вигак пален налман

Республикыштына диспансеризацийлан кугу тӱткышым ойыраш палемденыт. Онкологийымат вияҥаш тӱҥалмыж годымак муаш задачым шындыме.

Кызыт вӱргорно черлан кӧра эн шукын колат гын, кокымшо верыште – онкологий.

«Здравоохранение» нацпроект почеш 2019-2021 ийлаште кӱкшӧ технологиян 54 медоборудованийым налме. Нуно тений Республикысе онкологий диспансерыште, Республикысе клинический да Йошкароласе эмлымверлаштат лийыт.

Тыгак Республикысе онкологий диспансерын поликлиникыжым чоҥаш тӱҥалыт.