Крымыште «Артек» тӱнямбал йоча рӱдерыште «Большая перемена» Российысе конкурсын финалже лийын. Тушто кугурак класслаште тунемше 600 ӱдыр-рвезе сеҥышыш лектын.
Ты конкурс «Образование» нацпроектын «Патриотическое воспитание граждан Российской Федерации» проект почеш эртаралтеш. Тушко Марий Эл гыч финалышке вич тунемше: Бауман лицей гыч Б.Юсупов, М.Жирова, «Экономико-правововой гимназий» гыч Д.Москвина, Йошкар-Оласе 28-ше №-ан лицей гыч Т.Хабибуллин, Волжск оласе А.С.Пушкин лӱмеш 9-ше №-ан кыдалаш школ гыч М.Назарова – лектыныт.
Марий Элысе Бауман лицей Российысе 30 эн сай школ радамыш логалын. Ты тунемме тӧнежын пашажым саемдаш 2 млн теҥгем ойырымо.