Марий Элыште тений вич тӱвыра пӧртым ачалат.
Ты пашам шукташ «Тӱвыра» нацпроект почеш 29,7 млн теҥгем ойырымо. Тений Юрино посёлкысо, Шернур район Шокшем Памаш ялысе, Волжский район Памар селасе, Оршанке район Кугу Ӧрша ден Кугу Кугланур ялласе тӱвыра пӧрт-влакым тӧрлат. Кызыт нине объектлаште паша кая.
Палемдыман: 2019-2023 ийлаште «Тӱвыра» нацпроектын «Культурная среда» проектше почеш Марий Элыште 14 тӱвыра тӧнежлам олмыктымо. Торасе ялла ден селалаште илыше еҥ-шамычлан шуко функциян 13 тӱвыра рӱдерым налме, шым кинозалым уэмдыме.