Республикысе чыла кундемлаште, тыгак Йошкар-Оласе корным, шуко пачеран пӧрт-влакын кудывечыштым виктарыше компаний-влаклан вич кече жапыште лум деч эрыкташ задачым шындыме.
Таче Правительстве председательын икымше алмаштышыже Александр Сальников Марий Эл вуйлатыше Александр Евстифеевлан республикыште илыме верлаште лумым эрыктыме сомылым шуктымо нерген увертарен.
«Икмыняр вӱдышӧ компаний тиде шындыме задачым огеш шукто, садлан калык деч ятыр вуйшиймаш пура. Палемдыме лишыл вич кечыште паша ышталтшаш», — увертарен Александр Сальников.