Военный службылан ямдылаш манын, школлаште да техникумлаште тунемше-влакым Йошкар-Ола воктенысе Куяр посёлкышто верланыше «Авангард» военно-патриотический рӱдерыш вич кечылан погеныт.
Марий Эл Республикысе Парашют спорт федерацийым вуйлатыше Ольга Сысоева ден Россий ДОСААФ-ын Марий Элысе пӧлкажым вуйлатышын алмаштышыже Александр Пчельников нунылан теорий дене занятий-влакым эртареныт, парашютым кузе погаш кӱлмым ончыктеныт.
Тылеч посна тунемше-влак Йошкар-Оласе авиационно-спортивный клубын «Покорители неба» куснылшо выставкыжым онченыт, «Паллада» фрегат дене 2019-2020 ийлаште эртыше «Паруса Мира» тӱня йырысе экспедицийже нерген пален налыныт.