Таче йӱдым Моско областьыште Марий Эл гыч пашам ышташ кайыше вич еҥ колен. Нуно ЦКАД-ым (кольцевой рӱдӧ автомобиль корно) чоҥымаште тыршеныт, Солнечногорск районысо Болкашино ялыште строительный вагонкышто иленыт. Туткар годым тушто чылаже кудытын лийыныт. Иктыже, Александр, окна воктене мален улмаш, жапыштыже помыжалтын, уремыш лектын шуктен. Моло вич еҥже газ пуш дене аяралт коленыт. Кызыт тидын шотышто следствий паша эртаралтеш.