17-25 августышто Крым Республикыште «Алтын-Майдан-Крым» IX фестиваль-конкурс лийын.
Тушеч Марий кундемысе «Олык марий» ансамбль сеҥымашла дене пӧртылын. Марий Турек районысо Сардаял тӱвыра пӧртын фольклор коллектившылан фестиваль-конкурсышто 1-ше степенян вич дипломым, вуйлатышыже Татьяна Сорокиналан тауштымашым кучыктеныт. Нуным национальный вургемым, фольклор йӱлам ончыктымылан, калык мурым шергылтарымылан пуэныт. Тыгак «Олык марий» ансамбль «Атлеш» тӱнямбал этноконкурсышто Гран-прим сулен налын.
ФОТО: Валентина Чернова https://vk.com/id491701414