Ветеранлан – илыме верым

Морко районысо прокуратур боевой действийын ветеранжын илыме верлан правам суд гоч пӧртылташ полша.

Морко районышто илыше 38 ияш пӧръеҥ, боевой действийын ветеранже, 2004 ий 30 сентябрьыште пӧртым налаш але чоҥаш ик гана оксам пуышаш еҥ-влак реестрыш пурталтын. Но верысе самоуправлений орган тидым пеҥгыдемдыше документым йомдарен, садлан тудлан тыгай соцполышым пуэн огытыл.

Районысо прокуратур Морко районысо судыш искым колтен, ветеранын соцполышым налшаш еҥ-влак спискыште улмыжым пеҥгыдемдаш йодын. Суд прокуратурын йодмашыж дене келшен. Ситуацийым прокуратур терга.