23-24 августышто Нижний Новгород оласе «Юность» спорт полатыште дзюдо спортын ветеранже-влак коклаште Российысе чемпионат эртаралтын. Марий Элысе ветеран-влак ныл медальым налыныт.
Чемпионатыш элнан 45 регионжо гыч 300 утла спортсмен ушнен. Марий Элысе дзюдон ветеранже-влак тӱрлӧ ийготан-шамыч коклаште вийыштым тергеныт. Сергей Василенко 81 кг нелытан-влак коклаште шӧртньӧ медальым сеҥен, Юрий Александров ший медальым сулен (66 кг), той медаль дене Артём Шмаков (73 килограмм) да Марат Галлямов (66 кг) палемдалтыныт.