У Торъял районысо рӱдӧ клуб системым вуйлатыше С.И.Соколова 22 декабрьыште У Торъял посёлкысо «Успех» кинотеатрым почмо нерген каласкалыш. Вет ала-кунам районышто «Колос» кинотетр лийын, тудо шке пашажым икмыняр ий ончыч чарнен. Кызыт тыште ятыр у оборудованийым вераҥдыме, а тысе тошто технике дене яллаште кинофильмым ончыкташ йӧным ыштыме.
– Кинотеатрым уэмдаш пуымо 9 миллион теҥге дене йӱкым кугемден колаш йӧнештарыме колонкым, акустический кабельым, усилительым, цифровой оборудований дене пашам ыштыме арверым, экран шеҥгелысе акустический системым, цифровой кинопроекторым, серверым, билетым пуэдыше программно-аппаратный комплексым, 281 пӱкеным да молымат налме. Тылеч посна кӱварым ачалыме, пырдыжым уэмдыме, волгалтарыше тулым йӧнештарыме, – каласкалыш С.И.Соколова.
Ынде тыште кинофильм-влакым ончыкташ тӱҥалыт, тышеч 50 процентше Российысе ямдылыме кино лийшаш. Пушкин карте денат пашам ыштат. Инвалид-шамычланат тышке пураш да кинотеатрын услугыжо дене пайдаланаш йӧным ыштыме.
У ий вашеш тыгай пӧлек эре огеш лий!