Марий Элым вуйлатыше А.Евстифеев Йошкар-Оласе у автовокзалым чоҥымо пашам ончал савырнен. Объектым тений июньышто чоҥаш тӱҥалме. Тудо Ленинский проспектыште Театральный микрорайонышто верланен.
Кызытеш свай-влакым вераҥдыме, кӱварлан бетон негызым пыштыме, канализацийым ыштат. Вокзал 100 еҥ пурыман лийшаш. Суткаште 2000 наре пассажирым колташ палемдыме. Автовокзалыште транспортлан келыштарыме павильонан 10 перрон, автобус-влаклан площадке, автомобиль-шамычлан парковко лийшаш улыт.
А.Евстифеевын ойлымыж почеш, планыште — автобус паркым уэмдаш, районлаште автовокзал-влакым чоҥаш.